Maaraynta wakhtiga (2025 horseedka guusha)

Salaamullaahi Saaxiibayaal/walaalayaal meel kasta oo aad joogtaan waxaan idiin rajaynaynaa faraxad iyo barwaaqo. 

maadaama aan galnay sanad cusub waxaa muhiim ah in aynu wax ka badalno caadooyinkii iyo dhaqamadii aan lahayn sanadkii tagay si gaar ah waa in aan meesha ka saarno oo aan joojino caado kasta oo aan inoo dhawayneen in aan gaarno hadafyadeena  noloshaan aduun iyo mida aakhiro, haddaba si aan arrinkaas u xaqiijino oo aan u gaarno waa lagama maarmaan in aynu wakhtigeenana maamulno, iskudubaridno isla mar ahaantaasna sida ugu haboon aan ugu faa,iidaysano. Hadii Eebe ka raali noqdo maqaalkaan waxaan idinkula wadaagi doonaa dhowr qaab oo wakhtigaaga aad u maarayn kartid kaana caawin karta in aad wakhtigaaga sida ugu haboon aad uga faa,iidaysatid. 

Inta aynaan u galin qodobada iyo xeeraraka kaa caawin kara in aad wakhtigaaga sida ugu fiican u maaraysid, marka hore waa in aad alle uga mahad celisaa wakhtiga uu ku siiyey, ogow oo niyadda kuhay wakhtigu waa fursad kale oo Eebe wayne SWT uu kuugu deeqay si aad isbadal ku anfaca aduun iyo aakhiro aad ugu dhaqaadid ma ahan isbadal adiga kaliya kugu kooban ee waa isbadal qoyseed, iyo bulsheed oo dhamaan ka bilaabanaya isbadalkaaga nafeed. 

qodobada kaa caawin kara in aad wakhtigaaga maaraysid kana faa,iidaysatid.

1: Samayso liis hawaleed (To Do list)

#Maalin kasta qor hawlaha muhiimka ah ee aad qabandoonto, waxaa lagu taliyaa inta aadan seexan habeenkii in hawlihii berri aad qaban lahayd in aad sii qoratid.

#U kala horaysii hawlahaaga sida ay u kala muhiimsanyihiin si hadii aad wakhti kugu filan u waydo si aad 

u dhamayso dhamaan hawlihii kuu yaalay aad u dareentid in aad wax wayn xaqiijisay maadaama intii kuugu muhiimsanayd aad qabatay.

2: Pareto principle: Pareto principle sidoo kalana loo yaqaan 80/20 Rule waa Xeer inta badan loo adeegsado shirkadaha, goobaha waxbarashada iyo hadafyada qofeed intaba in lagu xaqiijiyo, waa xeer oranaya “20% oo la galiyo hawsha noo taal ayaa keenta 80% natiijada” Si kale hadii aan u dhigo Cilmiga iyo aqoonta aad leedahay maanta waxa ay ka timid 20% buugaagtii aad akhriday halka 80% soo hartay ay iska ahaayeen wax aan macno badan samaynayn. Tusaale kale Kambaniga aad ka shaqaysid waxa uu ku tiirsanyahay faa,iidada ugu badana ku celiya 20% shaqaalaha ka shaqeeya halka 80% soo hartay aysan wax wayn shirkadda horumarkeeda ku darsan•

80% shaqadaada wax ku oolka ah waxaa laga yaabaa inay ka timaaddo 20% hawlaha aad qabatay maalinkaaga.

Xeerkaan qaabka aad uga faa,iidaysan kartid waa in 20% aad hawlaha kuuyaala aad xoogga saarto hawalahaas aad qabanaysid oo kusiinaya natiijada 80% hadii aad wakhti u wada heshid hawshii kuu taalayna kaba sii fiican.

3: Adeegso (Pomodoro Technique) Waa hab uu markii u horaysay adeegsaday arday jaamacadeed oo la oran jiray Francesco Cirillo waa qaab qofku uu 25 daqiiqo uu shay go,an diiradda (Focus) saarayo kadibna uu 5 daqiiqo oo nasiino ah uu qaadanayo sidaas ayuu kuwadayaa 3 ilaa 4 jeer kadibna uu bireeg (break) 15-30 daqiiqo ah uu qaadanayo. Runtii waa hab wakhti badan kuu dhaqaalayn doona shiakhsiyana aan anigu tijaabiyey.

4: kawarhaay (Time Blocking) Oo la micno ah in aad wakhtigaaga xirato, adiga oo u qoondaynaya hawal gaar ah in aad 1 saac 2 saac ama kabadan aad xiratid adiga oo aan wax kale ku mashquulayn

Tusaale: 8:00 – 10:00 AM: Barashada luuqad gaar ah ama Xirfad gaar ah amaba in aad kitaab akhrisanaysid. 

10:00 – 11:00 AM: Jimicsi ama in aad socotid

midna ogow maskaxdeenu labo shqo isku mar in ay qabato way ku adagtahay haddaba ha isku dhejin hawlo badan mar qura, hal hawal xoogga saar halkii wakhtiba (focus on one task at a time) 

5: 5 Minute Rule (Xeerka 5ta daqiiqo) maadaama nafta bini,aadamku aysan jeclayn in ay hawl qabato ama si dhab ah ay dhibaatooyinka u wajahdo inta badan markasta oo aan damacno in aan shaqo qabano waxa aan la kulanaa iska caabin nafeed oo xoog badan taas oo noo diida in aan hawshii dhexgalno, si loo jabiyo dareenkaas naga hor imaanaya waxaa la adeegsadaa 5 minutes Rule ama Xeerka 5ta daqiiqo, adiga oo khiyaamaya maskaxda ayaad oranaysaa hawshaan waxa aan qabanayaa kaliya 5 daqiiqo dadka qayb waxa ay dhahaan 2 daqiiqo kadibna sidaas ayaad ku bilaabaysaa waxaaba macquul ah adiga oo 1 saac sii maraya in aad ku baraarugtid, waa muhiim xeerkaan in aad adeegsatid hadii aad tahay dadka dhibka ka mara in ay hawl bilaabaan. 

6: (Urgent-Important Matrix,) Sidoo kale waxaa loo yaqaanaa (Eisenhower matrix) oo waxaa loogu magac daray mid kamid ah madaxwaynayaashii dalka maraykanka waxaa la aaminsanyahay in uu yahay qofkii koobaad oo adeegsaday, waa hab shaqooyinka kuu yaala u kala saaraya 4 qaybood, oo uu ku salaynayo muhiimada ay kala leeyihiin iyo sida loogu kala baahanayahy in la dhamaystiro. Waxa uu leeyahay waxaa jira 

      1: hawl degdeg ah isla markaasna       muhiim ah, hawshaan waxa uu ku leeyahya hadda qabo oo dib u dhigis haku samayn. Tusaale, Imtixaan aad galaysid maalin kadib oo aan kuu diyaarsanayn waana muhiim, waana degdeg waa in aad isla markiiba qabataa hadii kale natiijadu waa in imtixaanka darajadii larabay aad ka hoos martid

        2) hawl muhiim ah laakiin aan degdeg ahayn, xeerkaan waxa uu kuleeyahay hawsha muhiimka ah laakiin aan degdega ahayn qorshee oo wakhti u samee muddo dheerba ha qaadato hadii ay rabtee, hawlahaan waxa tusaale u ah, 

A) barashada xirfad cusub

B) dhisidda xiriir cusub mid shakhsi ama mid bulsheed.

T) bilaabidda ganacsi aadan wax baahi ah u qabin markaas iyo Wixii lamid ah.

   

       3) hawl deg deg ah laakiin aan muhiim ahayn, hawshaan dib iskaga dhig ayuu ku farayaa xeerka Eisenhower matrix, tusaale Emails/ farriimo aan muhiim ahayn ama cid kale ay ka jawaabi karto iyo xaflad lagugu casuumay oo degdeg ah laakiin hadaad ka maqnaatid aysan waxba halaabayn

      4) Qaybta u dambaysa, waa hawl degdeg aan ahayn sidoo kalana muhiim aan ahay, tusaale, waa social media, ciyaarada geemam /Games ka ama daawashada filimaan aan noloshaada waxba kusoo kordhinayn, Xeerkaan waxa uu ku leeyahay; Uma baahnid in aad waxaan ku mashquushid waxyaabahaas ee noloshaada ka saar. 

Ugu dambayntii marwalba niyadda kuhay wakhtigaagu waa cumrigaaga ee meel u qalanta kubixi alle hanaga dhigo ka faa,iidaysta wakhtigooda.