Sidee ayaad ugu diyaar garoobi bisha Ramadaan.
Dhamaanteen sida aan lasocono wax kayar 2 asbuuc ayaa innaga xiga bilashada bisha barakada iyo khayrka ee Ramadan. haa waan ogahay niyadda waxa aad iska leedahay oo soo asagii Ramadaan hadda un uu naga dhamaaday, dunida oo degdeg kusocota awgeed waa tan markale kaabiga nagu bishii Ramadaan, bishii dhamaanteen aan jeclayn, bishii cibaadada, bishii qur,aan akhriska iyo bishii waxwalba oo khayr ah alle uu dhexdeeda uu ku kulmiyey. Laakiin ha degdegin in badan oo naga mid ah alle ma waafajin doono oo alle xagiisa ayey aadi doonaan, kuwa kale oo naga mid ahna alle shaydaan ayaa waydaarin doona in ay barakdaas iyo barwaaqadaas uu alle sareeye Ramadaan dhexdhigay ka faa,iidaystaan.
Haddaba su,aashu waxa ay tahay Haddii alle i gaarsiiyo Ramadaan sideen uga faa,iidaystaa khayrka dhexyaalana inta ugu badan aan uga qaataa? Maqaalkaan kooban waxa aan kugula wadaagayaa sidii aad naftaada ugu diyaarin lahayd qaabilidda bisha Ramadaan iyo sidii aad uga qaniimaysan lahayd khayrka dhexyaala.
1: Duco: marka koobaad waa in aad ku ducaysataa in adiga iyo inta aad la jeceshahay khayrka in alle SWT idin gaarsiiyo idin waafajiyo khayrkeeda, sidoo kalana idin hareer mariyo dabinnada shaydaanku uu u dhigayo sidii uu kuu seejin lahaa ka faa,iidaysiga bishaan
2: Istiqfaar: la imow istiqfaar badan oo alle in badan dambidhaaf waydiiso, istiqfaarta oo la badiyo wax ay leedahay faa,iidooyin farabadan oo runtii in wax laga qoro ay u baahanayso wakhti fara badan balse hadda inta aan la gaarin Ramadaan in aad istiqfaarta badisaa waxa ay kaa saacidaysaa dhowr arimood
A) in alle uu kuu dambi dhaafo sidaasna adiga oo dambidhaaf wata ay kusoo gasho Ramadaan.
B) in aad awood u yeelatid Eebe na uu kuu sahlo gudashada waajbaadka maalinlaha ah taas oo kuu fududaynaysa in aad acmaal badan oo khayr ah aad la timaadid bisha barakaysan isla markaasna aysan culays kugu noqon acmaasha sunnada ah ee la samaynayo sida taraawiixda, quraan akhriska, sadaqada iyo inta la jaalka ah.
3: Dhisidda Caadooyin wanaagsan iyo joojinta Caadooyinka xun ee noloshaada dib u dhigay: Sideedaba qofku ma filan karo in ay halmar wax walba isbadalaan inkasta oo bishu ay tahay mid barakaysan oo waxbadan oo ka mid ah qofka noloshiisa ilaahay dhinaca wanaagsan u badali karo Annaga oo ilaahay ka rajaynayna, haddana ayada oo sidaas ay tahay waa in aad maanka kuhaysaa Ramadaan ilaa Ramadaanta kale waxaa u dhaxaysa muddo sanad ama 12 bilood ah, in marka halmar aad qof wanaagsan noqotid oo si mucjiso ah aad iskubadashaa waa arin adag,in aad ilbiriqsi gudahiis caadooyin xunxun aad jartid ama wakhti yar aad caadooyin fiican ku abuuratid waa arin adag. Haddaba waxa aad u baahnatahay in ay Ramadaan kusoo gasho adiga oo caadooyin (Habits) fiican samayntooda sii bilaabay caadooyin xun xun joojintooda ku guda jira. Tusaale Adiga oo bilbaabay 2 asbuuc ka hor in aad maalinkii kitaabka qur,aanka aad kala furtid Oo bog(safxad) ama labo safxadood akhriya maalinkasta kadib ramadaan waa ay kuu fududaanaysaa in aad Juz iyo kabadan aad akhrisid maalinkii. Waa un tusaale kaliya qofkasta asaga ayaa yaqaan caadooyinka xunxun oo ay tahay in uu noloshiisa ka jaro iyo kuwa wanaagsan oo ay tahay in uu noloshiisa kubiiriyo
Haddaba Ramadaan way inasoo gashay ee dadaal hala harin insha allah.
Dhamaad.
0 Comments